Va Pfijfschtüiduråmmi hein bBüaba Pfjffi ggmåchut da Långgsi. Mu geet dia Leng-gi, wå-mu well, un tüat mettum Mèssar-schtell t Rendu zring-gandum chlopfu, be(s)-scha-schi våm Holz darvålååt. Mu müass feri purbiara mettar Hånn, scha z traajan. Darnåå geet-mu ts Holz fera un måchud appu zwee odar drij Såntimèttar vam Rånn as Lochtschi wia a hålba Chreiss. Un henna, wå-mu dreblååst, tüat-mu as Puntali e, gråt bes wå ts Lochtschi mu geet's vå dèm Holz, wå vå da(r) Rendu escht ferachu -, åbar mu müas aso pèna a weng ååp-schnatzu, daleng-gawagg, dåss-mu cheni dreblååsa. Dås Schtekchalti Holz, wå escht ferigs pleba, tüat-mu vorna eschtoossa, un nåchlüit wia wid ås-mu's tüad eschtoossa odar ferazia, chunn tar Too heechar oder teiffar. Mu chå's öuw metta Fing-gru måchu.